Azərbaycan Respublikası Prezidentinin 2017-ci il 13 yanvar tarixli 2607 nömrəli Sərəncamına əsasən Azərbaycan Respublikasının 2017-ci il dövlət büdcəsinin dövlət əsaslı vəsait qoyuluşu xərclərinin bölgüsündə avtomobil yollarının tikintisi və yenidən qurulması üçün nəzərdə tutulmuş vəsaitdən “Azəravtoyol” ASC-yə ümumi uzunluğu 18,0 kilometr olan Yevlax rayonunun Salahlı-Balçılı-Ağqıraqlı-Varvara-Cırdaxan avtomobil yolunun tikintisi məqsədilə 6,8 milyon manat vəsait ayrılmış və layihənin icrası qısa müddət ərzində keyfiyyətlə başa çatdırılmışdır.
Bu yolun tikintisi 8,0 min nəfərə yaxın əhalinin yaşadığı 6 yaşayış məntəqəsini birləşdirərək yük və sərnişin daşınmasını xeyli yaxşılaşdırmağa imkan verəcəkdir.
Yolun uzunluğu 17,7 km-dir və IV texniki dərəcəyə uyğun olaraq layihələndirilərək yol-tikinti işləri yerinə yetirilmişdir.
Avtomobil yolunun əsas texniki göstəriciləri
Yolun uzunluğu – 18,0 km
Yolun texniki dərəcəsi - IV
Hərəkət hissəsinin eni –6,0-7,0 m
Hərəkət zolaqlarının sayı -2 ədəd
Hərəkət zolağının eni - 3,0-3,5 m
Çiyinin eni - 2 x (1,5-2,0) m
Torpaq yatağının eni – 9-10 m
Yolun konstruksiyası:
- Əsasın alt layı, qum- çınqıl qarışığından, qalınlığı - 15 sm;
- Əsasın üst layı, optimal qırmadaş qarışığı, qalınlığı - 10 sm;
- Asfaltbeton örtük 2 laydan ibarət (7+5 sm) qalınlığı - 12 sm.
Aşağıda göstərilən işlər yerinə yetirilmişdir:
Torpaq işləri yerinə yetirilmişdir - 108,9 min m3 ;
Yolun əsasının və çiyinlərin tikintisinə ümumilikdə qum- çınqıl və optimal qırmada qarışığı sərf edilmişdir - 36,2 min m3
2 laydan ibarət (7+5) 12 sm qalınlığında asfalt-beton örtüyü tikilmişdir - 16,4 min ton;
Diametri 500-1500 mm olan su boruları tikilmişdir - 16 ədəd;
Yol təhlükəsizlik dirəkləri quraşdırılmışdır - 360 ədəd;
Müxtəlif yol nişanları və göstərici lövhələr quraşdırılmışdır - 118 ədəd;
Bütöv və qırıq-qırıq olmaqla sarı və ağ rəngdə xətlər çəkilmişdir - 25,0 km.
Yevlax rayonunun Salahlı-Balçılı-Ağqıraqlı-Varvara-Cırdaxan avtomobil yolunun tikintisinin başa çatdırılması “Azəravtoyol” Açıq Səhmdar Cəmiyyətinin“5 № - li Magistral Yolların İstismarı”MMCtərəfindən yerinə yetirmişdir.