Azərbaycan Avtomobil Yolları Dövlət Agentliyinin İdarə Heyətinin sədri Saleh Məmmədov dekabr ayının 26-da Siyəzən rayonunda vətəndaşları qəbul edəcək.
Qəbul saat 11:00-da Siyəzən rayonu Heydər Əliyev Mərkəzinin inzibati binasında keçiriləcək. Qəbulda Siyəzən və Xızı rayonlarının sakinləri iştirak edə bilərlər.
Qəbula yazılmaq istəyənlərin Siyəzən rayonu “2 №-li Yol İstismarı” və Xızı rayonu “1 №-li Yol İstismarı” MMC-lərində öncədən qeydiyyatdan keçmələri xahiş olunur.
Vətəndaşlar qəbula şəxsiyyətini təsdiq edən sənədlə gəlməli və qaldırdıqları məsələlər Agentliyin səlahiyyətlərinə aid olmalıdır.
Qəbul mərkəzi icra hakimiyyəti orqanlarının və digər idarəetmə qurumlarının rəhbərlərinin 2023-cü ilin dekabr ayında şəhər və rayonlarda vətəndaşların qəbulu cədvəlinə uyğun olaraq baş tutacaq.
