Az    |     Ru    |     En
      

          

           “2014-2016-cı illərdə Bakı şəhərinin və onun qəsəbələrinin sosial-iqtisadi inkişafına dair Dövlət Proqram”ına əsasən “Azəravtoyol” ASC tərəfindən kompleks tədbirlər davam etdirilir.

 

          Bu tədbirlər çərçivəsində Abşeron rayonu Hökməli-Qobu-Güzdək avtomobil yolunun bir hissəsi və Masazır qəsəbəsinin iki küçəsi əsaslı şəkildə təmir olunub.

 

           Hökməli istiqamətindən start verilən təmir-tikinti işləri zamanı 11 km uzunluğunda və 9.5 metr enində olan Hökməli-Qobu-Güzdək avtomobil yolunun 1.5 km-lik hissəsi əsaslı şəkildə təmir olunub.

 

            Sözügedən ərazidə aparılan əsaslı təmir işləri zamanı yolun köhnə asfalt-beton örtüyünün üst qatı frezlənərək ərazidən daşınıb, yol əsasının yararsız torpaq qatı qazılaraq çıxarılıb, daha sonra karbonat materialı tökülərək yenidən kipləşdirilib. Bundan başqa qrunt sularının kənarlaşdırılması üçün ərazidə təqribən 1 km uzunluğunda drenaj sistem yaradılıb.

 

           Yolun hərəkət hissəsi asfaltlanması üçün hazır vəziyyətə gətirilib və 2 qat olmaqla yüksək keyfiyyətli asfalt-beton örtüyünün döşənməsi işləri həyata keçirilıb. Ümumilikdə 15 min m2-ə yaxın sahə asfaltlanıb. 

             

          Vətəndaşların rahat gediş-gəlişini təmin etmək istiqamətində Abşeron rayonunda aparılan kompleks tədbirlər çərçivəsində Masazır qəsəbəsinin bir-neçə küçəsində təmir işləri aparılıb.

 

          Təmir işləri ilkin olaraq qəsəbənin Heydər ƏliyevZərifə Əliyeva küçələrində aparılıb. Müvafiq olaraq küçələrin uzunluqları 12001280 metrdir.

 

          Aparılan işlər çərçivəsində zəruri yerlərdə yol yatağı kipləşdirilib və asfalt-beton örtüyünün döşənməsi üçün yolun hərəkət hissəsi hazır vəziyyətə gətirilib. Daha sonra Heydər Əliyev küçəsinin 5400 m2, Zərifə Əliyeva küçəsinin isə 7500 m2 sahəsinə yeni asfalt-beton örtüyü döşənib.

 

          Bundan başqa küçələrdə piyadaların rahat və təhlükəsiz hərəkətini təmin etmək məqsədi ilə zəruri olan yerlərdə piyada səkilərinin tikintisi işləri də aparılıb. Səkilər 1-1.5 metr enində tikilib, kənarlarına səki daşları düzülərək asfaltlanıb.

 

          Bütün işlər yüksək keyfiyyətlə və tərtib olunmuş qrafikə uyğun texnoloji ardıcıllığa riayət olunmaqla aparılıb.

 

 

01.08.2016

Avtomobil yolları ilə bağlı ən son məlumatları rəsmi Facebook səhifəmizdən də izləyin